Wednesday, October 23, 2013

ಸವಕಲಾದವು

ಏನೆನ್ನಲಿ ಗೆಳೆಯ ...
ನಿನ್ನೊಂದಿಗಾಡಿದ ಮಾತುಗಳು
ಮರೆತು ಹೋದವು
ನನ್ನೊಳಗಿದ್ದ ಮುನಿಸು,ಬೇಸರ
ಕರಗಿಹೋದವು

ಇತ್ತ ಆಣೆಗಳು ಕೊಟ್ಟ ಭಾಷೆಗಳು
ಕೂಡಿಟ್ಟ ಸಿಟ್ಟಿನ ಸನ್ನಿವೇಶಗಳು
ಅಬ್ಬರಿಸಿ ದಡಕೊರಗಿ ನೀರಾದ
ಅಲೆಗಳಾದವು  

ಅವನ ಮರೆಯಬೇಕೆಂದುಕೊಂಡ
ಮಾತುಗಳೇ ಸವಕಲಾದವು
ನಾ ನಾನಾಗಬೇಕೆಂಬ ಕನಸುಗಳು
ಗಾಳಿಗೆ ಜಾರಿಬಿದ್ದ ಎಲೆಗಳಾದವು

ಕಂಡ ಚಣ ಅವನ ಮನಸು
ಸಿಹಿ ಕಂಡ ಮಗುವಂತಾಯ್ತು
ಕಹಿಎಲ್ಲ  ಮರೆತು ಕುದಿವ ಒಡಲು
ಶಾಂತ ಕಡಲಾಯ್ತು