Sunday, November 11, 2018

ಎಂಟನೇ ಆಯಾಮ.. ಯಾರವಳು ... ಎರಡನೇ ಅಧ್ಯಾಯ .

"ರಾಮ್ ಎದ್ದೇಳೋ ಏನಿದು  . ಕ್ಲಾಸ್ನಲ್ಲೇ ನಿದ್ದೆ ಮಾಡ್ತಿದೀಯ ?"
ಚರಣ್ ಬಡಿದೆಬ್ಬಿಸಿದಾಗಲಲೇ ರಾಮ್ ಗೆ ಎಚ್ಚರ.
"ರಾತ್ರಿ ಮನೇಲಿ ನಿದ್ಧೆ ಮಾಡಲ್ವೇನೋ... ಯಾವಾಗ ನೋಡಿದ್ರೂ ನಿದ್ದೆ ನಿದ್ದೆ"
"ದರಿದ್ರ ಕನಸುಗಳು. ಯಾರೋ ಹುಡುಗ ಇನ್ಯಾರೋ ಆಂಟಿ ಒಬ್ಬರ ಮುಖಾನೂ ಸರಿಯಾಗಿ ಕಾಣಲ್ಲ.. "
ರಾಮ್ ಪಿಸುಗುಟ್ಟಿದ.
"ನಿಂದೇ ಲಕ್ ಮಗ ಆಂಟಿ,  ಹುಡುಗಿ ಎಲ್ಲಾ ಕಾಣಿಸ್ತಾರೆ. ಏನ್ಮಾಡ್ತಾರೆ ನಿನ್ ಕನಸಲ್ಲಿ ಬಂದು."
"ಅದಾ...." ಅನ್ನುತ್ತಿದ್ದವ ಮೇಡಂ
" ವಾಟ್ಸ್ ಗೋಯಿಂಗ್ ಆನ್ ದೆರ್.."
ಅಂದಾಗ ಮಾತನಾಡದೆ ಸುಮ್ಮನಿರುವಂತೆ ಫ್ರೆಂಡ್ಗೆ ಸೂಚಿಸಿ ಕ್ಲಾಸ್ ಕೇಳಲಾರಂಭಿಸಿದ.
............
"
ಸುನಯನ, ಇವತ್ತಾದರೂ ನಾ ಹೇಳೋದು ನಂಬೇ. ನನಗೆ ವಿಚಿತ್ರ ಕನಸುಗಳು ಬೀಳ್ತಿವೆ." 
"ರಚ್ಚು ... ರಾತ್ರಿ ಹೊತ್ತು ಹಾರರ್ ಮೂವಿಸ್ ನೋಡ್ಬೇಡ ಅಂತ ಹೇಳಿದ್ರೆ ಕೇಳಲ್ಲ ನೀನು. ಈಗ ಅನುಭವಿಸು.."
" ಹಾರರ್ ಕನಸಲ್ಲ ಕಣೇ  ಒಬ್ಬ ಹುಡುಗ  ನನ್ ಹತ್ತಿರ ಬಂದು  ಯಾವಾಗಲೂ ನಿಮ್ಮಪ್ಪನ ಬಗ್ಗೆ ಮಾತಾಡಬೇಕು ಅಂತಾನೆ...  .. ಅಮ್ಮನ ಹತ್ರ ಹೇಗೆ ಹೇಳೋದು ಗೊತ್ತಾಗ್ತಿಲ್ಲ. ಜೊತೆಗೆ .....
ಮುತ್ತು ಕೊಡ್ತಾನೆ . ಕಣ್ಣು ಮುಚ್ಚಿದರೇ ಸಾಕು ಇದೇ ಥರ ಕನಸುಗಳು.. "
" ಸೂಪರ್ ಕಣೆ ಹುಡುಗ ಹೇಗಿದಾನೆ ? ಸ್ಮಾರ್ಟಾಗಿದಾನ? ಎಂಜಾಯ್ ಮಾಡೋದಲ್ವೇ?"
"ಜೋಕ್ ಮಾಡ್ಬೇಡ ಸುನಿ.. ಆ ಹುಡುಗ ಎಲ್ಲೋ ನೋಡಿರೋ ಹಾಗಿದೆ ಆದರೆ ನೆನಪಿಗೆ ಬರ್ತಿಲ್ಲ..."
"ಎಷ್ಟು ಸಲ ಈ ಥರ ಕನಸು ಬೀಳ್ತಿದೆ "

 "ಒಂದೊಂದು ಸಲ ಒಂದೊಂದು ಥರ ಕೋರ್ ಮಾತ್ರ ಇಷ್ಟೇ"
"ಹೋದವಾರ ನಾವು ಕೇರಳಕ್ಕೆ ಹೋಗಿದ್ವಲ್ಲ ಅಲ್ಲಿ ಕೂಡ..."
"ಹೇ ಸ್ಟಾಪ್ ಯಾವಾಗ ಯಾರ ಜೊತೆ ಹೋಗಿದ್ದೆ?"
" ನಾನು ನೀನು ಮತ್ತೆ .. ಉಷಾ ಮರೆತುಹೋಯ್ತಾ?"
" ಹಲೋ ಲೂಸಾ? ಹೋದವಾರ ಇಂಟರ್ನಲ್ ಇತ್ತು . ನೀನು ಎಲ್ಲಾ ದಿನಾನೂ ಇಲ್ಲೇ ಇದ್ದೆ ನಾವು ಕೂಡ.. ಸುಳ್ಳು ಹೇಳಬೇಕು ಆದರೆ ಇಷ್ಟೊಂದು ಅಲ್ಲ. ಕೇರಳಕ್ಕಿರಲಿ ಪಕ್ಕದ ಮೈಸೂರಿಗೇ ಮೂರೇ ಜನ ಹೋಗಿದ್ದಿಲ್ಲ ನಾವು..  "
" ಸುಳ್ಳು ಹೇಳತಿರೋದು ನೀನು ..... ನಾವು ಹೋಗಿದ್ವಿ .. ಬಸ್ ಸಿಗಲಿಲ್ಲ ಅಂತ ಕಾರ್ ಮಾಡಿಕೊಂಡು ಹೋಗಿದ್ದು... ದಾರೀಲಿ ಉಷಾಗೆ ಸುಸ್ತಾಗಿ ವಾಂತೀ ಮಾಡ್ಕೊಂಡಿದ್ದು.."
" ಅಮ್ಮ ತಾಯೀ ಊಹಾಲೋಕದ ರಾಣಿ.. ಬೊಗಳೆ ದಾಸಿ ..  ಲಾಸ್ಟ್ ವೀಕ್ ನಿನ್ ಅಟೆಂಡೆನ್ಸ್ ನೋಡ್ಕೊಂಡು ಬಾ .. ಈಗ ರೈಟ್ ಹೇಳು.."
ರಚಿತಾ ಪೂರ್ತಿ ದಿಗ್ಭ್ರಾಂತಳಾದಳು
.......
 " ಲೋ ರಾಮ್ ಏಳೋ ನಿನ್ನ ಮೊಬೈಲ್ ಅಲಾರಾಮ್ ಆಗಿನಿಂದ  ಕಿರಿಚ್ಕೋತಿದೆ.."
ಅಪ್ಪನ ದನಿಯಿಂದ ದಡಬಡಿಸಿ ಎದ್ದ
ಮತ್ತೆ ಕನಸುಗಳು...
ಸ್ನಾನ ಮಾಡುತ್ತಾ  ರಾತ್ರಿ  ಕಂಡ ಕನಸನ್ನ ನೆನೆಸಿಕೊಳ್ಳಲೆತ್ನಿಸಿದ..
ಇಬ್ಬರು ಹುಡುಗಿಯರು...
ಇಬ್ಬರ ಮುಖವೂ ಪರಿಚಿತ ಅನಿಸ್ತಿದೆ.
ಆದರೆ..
ಮತ್ತೆ ಏನೂ ನೆನಪಿಗೆ  ಬರುತಿಲ್ಲ.
ಹೋದರೆ  ಹೋಗಲಿ ಎಂದು ಶವರ್ ನತ್ತ ತಲೆ ಚಾಚಿದ...
ಹಿತವಾಗಿತ್ತು. ಹಾಗಿ ಕಣ್ಮುಚ್ಚಿದ.
ಏನೋ ಸದ್ದಾದಂತಾಗಿ ಕಣ್ತೆರೆದವನಿಗೆ 
ಬಿಸಿ ಹಬೆಗೆ  ಎದುರಿದ್ದ ಗಾಜಿನ ಬಾಗಿಲಲ್ಲಿ ಅಸ್ಪಷ್ಟ ಮುಖ ಅದೇ ಮುಖ ಕನಸಲ್ಲಿ ಕಂಡ ಮುಖ
ಅಮ್ಮಾ ಎಂದು ಕಿರುಚಿದ..
ಡಬಡಬ ಬಾಗಿಲ ಬಡಿತದ ಸದ್ದು.
ರಾಮ್ ಏನಾಯಿತು?  ಬಾಗಿಲು ತೆಗಿ.
ರಾಮ್ ಕಣ್ಣುಬಿಟ್ಟ ಶವರ್ ನೀರು ತಲೆ ಮೇಲೆ ಬೀಳುತ್ತಲೇ ಇದೆ...
ಅಂದರೆ ನಾನೀಗ ನೋಡಿದ್ದು ಭ್ರಮೆಯಾ? ಕನಸಾ?
ಗೊಂದಲದೊಡನೆಯೇ ಶವರ್ ಆಫ್ ಮಾಡಿ
"ಏನಿಲ್ಲಾಮ ಬಿಸಿನೀರು ಹಾಕೊಂಡೆ ಅಷ್ಟೇ"
ಎಂದು ನುಡಿದು ಟವಲ್ ಕೈಗಿತ್ತುಕೊಂಡ
ಆದರೂ 
ಮನದಲ್ಲಿ ಪ್ರಶ್ನೆಯೊಂದು ಮೂಡಿತು.
ಯಾರವಳು?


.....










Sunday, October 28, 2018

ಎಂಟನೇ ಆಯಾಮ. ಅಧ್ಯಾಯ ಒಂದು.. ಕನಸೊ ಕನವರಿಕೆಯೋ

ಕಿಟಕಿಯಾಚೆ ಆಕಾಶವನ್ನೇ ನೋಡುತ್ತಿದ್ದೆ. ಆಕಾಶ ಸಮುದ್ರ,  ಈ ಪ್ರಕೃತಿ ಎಲ್ಲಾ ನನಗೆ ಒಂದು ಕೌತುಕವೇ... ಕನಸೋ ನನಸೋ ಗೊತ್ತಿಲ್ಲದ ಅನುಭವ ಆಕಾಶದಲ್ಲಿ ಪಕ್ಷಿಯೊಂದು ಹಾರುತ್ತಾ ಬರುತಿತ್ತು... ಅದೂ ನನ್ನತ್ತಲೇ...ಅರೆ ಹಕ್ಕಿಗೆ ಕೊಕ್ಕಿರಬೇಕಲ್ಲವೇ ? ಆದರೆ ಅದರ ಬದಲಾಗಿ ಒಂದು ಮುಖ... ನಂಬಲ್ಲ ಅಲ್ವಾ?
ನಿಜ ನೀವು ನಂಬಲ್ಲ ಆದರೆ ಆಗಿದ್ದು ಹೇಳತಿದ್ದೇನೆ.
 ಆ ಹಕ್ಕಿ ನನ್ನ ಕಿಟಕಿ ಹತ್ರ ಬಂತು ... ಅಯ್ಯೋ ಅದು ಒಂದು ಗಂಡು ಮುಖದ ಹಕ್ಕಿ. 
ಆ ಮುಖ ನಂಗೆ ಗೊತ್ತು..
ನಮ್ಮ ಫ್ಲಾಟ್ ಮೇಲಿರುವ ಫ್ಲಾಟ್ ನಲ್ಲಿರುವವ..
ಹಕ್ಕಿ ಈಗ ಹಾರುತಿಲ್ಲ.. ನಾನಿಂತ ಕಿಟಕಿ ಮೂಲಕ ಒಳಗೆ ಬಂತು..
ಏನಾಶ್ಚರ್ಯ
ಈಗ ಅದು ಹಕ್ಕಿಯಾಗಿ ಉಳಿದಿಲ್ಲ
ಸಂಪೂರ್ಣವಾದ ಮನುಷ್ಯ ಅದೇ ಮನೆಯ ಮೇಲಿನ ಹುಡುಗ..
ಕಣ್ಣಲ್ಲಿ ಎಷ್ಟೊಂದು ಪ್ರೀತಿ
ನಿಧಾನವಾಗಿ ಬಳಿ ಬಂದು ಬಳಸಿ ಹಿಡಿದು ...
ಕೆನ್ನೆಯನ್ನೆಲ್ಲಾ ಅವನ ಮುಖದಿಂದ ಉಜ್ಜಲಾರಂಭಿಸಿದ.
ಬೇಡ ಅನ್ನಬೇಕು. ದೂರ ತಳ್ಳಿ ಓಡಬೇಕು ಅಲ್ಲವೇ  ನಾನು .. ಆದರೆ ನಾನು ಆ ಘಳಿಗೆಯಲ್ಲಿ ಸಂಪೂರ್ಣವಾಗಿ ಇನ್ವಾಲ್ವ್ ಆಗಿ ಆನಂದ ಪಡೀತಿದೀನಿ.
ಹಾಗೆ ಅವನ ತುಟಿ ನನ್ನ ಕಿವಿಯತ್ತ ಬಂತು..
ಏನೋ ಉಸುರಿದ..
"Do you know who is your real father?"
ಕೋಪ ಉಕ್ಕಿ ಬಂತು..

ದಡಕ್ಕನೇ ಅವನ್ನ ದೂರ ತಳ್ಳಿದೆ.
ಬೀಳಬೇಕಿದ್ದು ಅವನಲ್ಲವೇ?
ಆದರೆ ಬಿದ್ದಿದ್ದು ನಾನು..
ಅಯ್ಯೋ ಅಂತ ಕಣ್ಣುಬಿಟ್ಟವಳಿಗೆ ಗೊತ್ತಾಗಿದ್ದು ಅದು ಕನಸು ಅಂತ.. ಆದರೆ ಬಿದ್ದಿದ್ದು ಕಿಟಕಿಯ ಬಳಿಯೇ.  ಅಲ್ಲಿಗೆ ಯಾವಾಗ ಹೋಗಿದ್ದೆ ಅಂತಲೂ ನೆನಪಿಗೆ ಬರಲಿಲ್ಲ 
ಮೇಡಂ ನೀವೇ ಹೇಳಿ ಇದೂ ಒಂದು ಕನಸಾ?
ಆ ಹುಡುಗ ಯಾಕೆ ಕನಸಲ್ಲಿ  ಬಂದ ಅಂತ ನಂಗೆ ಗೊತ್ತಾಗಿಲ್ಲ.
ಆಲ್ ರೆಡಿ ಲವ್ ಮಾಡಿರೋ ಪ್ರಸಾದ್ ಜೊತೇನೆ ನನ್ನ ಮದುವೆ ನಿಶ್ಚಯ ಆಗಿದೆ
ಇದು ತಪ್ಪಲ್ವಾ ?
ಆ ಹುಡುಗೀ ರಚಿತಾ ಕೇಳುತ್ತಿದ್ದಂತೇ 
"ರಚಿತ ನಂತರ  ಆ ಥರ ಕನಸು ಮತ್ತೆ ?" ಡಾ ಸುನಯನ ಕೇಳಿದರು
" ಓ ಮೈ ಗಾಡ್.. ಒಂದ್ಸಲ ಆದ್ರೆ ನಾನೂ ನಿಮ್ ಹತ್ರ ಬರ್ತಿರಲಿಲ್ಲ ಮೇಡಂ . ಇನ್ನೊಂದು ದಿನ

. ನಾವೆಲ್ಲಾ ಫ್ರೆಂಡ್ಸ್ ಕೇರಳಕ್ಕೆ ಹೋಗಿದ್ದೆವು. ನಾವಿದ್ದ ರೆಸಾರ್ಟ್ ಕಾಡಿನ ಮಧ್ಯೆ ಇತ್ತು. ಒಂದು ಮದ್ಯಾಹ್ನ ಹಾಗೆ ಮಲಗಿದ್ದವಳಿಗೆ ಯಾರೋ ರಚಿತ  ರಚಿತಾ ಅಂತ ಕರೆದಂತಾಯ್ತ ಕಣ್ಣ ಬಿಟ್ಟರೆ ನಾನು ಮಲಗಿರೋದು ಹುಲ್ಲಿನ ಮೇಲೆ ಪಕ್ಕದಲ್ಲಿ ಅದೇ ಹುಡುಗ.. ನನ್ನ ಕೂದಲಲ್ಲಿ ಬೆರಳಾಡಿಸುತ್ತಾ ...
ಹತ್ತಿರ ಬಂದ ಆ ಬಿಸಿ ಉಸಿರು ತುಂಬಾ ತುಂಬಾ ಚೆನ್ನಾಗಿದೆ ಅನಿಸುತಿತ್ತು
"still did yoy not believe me? He is not your real father"

"get lost" 
ಅಂತ ಕಿರುಚಿದ್ದಷ್ಟೇ
"ರಚಿತಾ ಯಾಕೆ  ಕಿರುಚುತಿದೀಯ. ಇಲ್ಲಿ ಯಾಕೆ ಮಲಗಿದೀಯ "
ಅಂತ ನನ್ನ ಫ್ರೆಂಡ್ಸ್ ನನ್ನ ಎಬ್ಬಿಸ್ತಿದಾರೆ.
ಆದರೆ ನಾನು ಮಲಗಿದ್ದು ರೂಮ್ ನಲ್ಲಿ
ಬಟ್ ಈಗ ಇದ್ದಿದ್ದು ರೂಮಿನ ಮುಂದಿನ ಲಾನ್ ನಲ್ಲಿ. ಬೆಡ್ ಮೇಲಿಂದ ಅಲ್ಲಿಗೆ ಹೇಗೆ ಹೋದೆ ಯಾಕೆ ಹೋದೆ ಏನೂ ಗೊತ್ತಾಗ್ತಿಲ್ಲ.
ಬರ್ತ ಬರ್ತಾ ಹುಡುಗ ಐ ಸ್ವೇರ್ ಐ ಡೋಂಟ್ ಈವನ್ ನೋ ಹಿಸ್ ನೇಮ್ ಟೂ.. ತುಂಬಾ ಹತ್ತಿರ ಆಗ್ತಾ ಇದ್ದಾನೆ  ಕನಸಲ್ಲಿ.. ನಾವಿಬ್ಬರೂ ಎಲ್ಲ ಮಾಡಿ ಮುಗಿಸಿದ್ದೇವೆ.. ಆದರೆ ಕನಸಲ್ಲಿ..
 ತುಂಬಾ ಗಿಲ್ಟ್ ಫೀಲ್ ಆಗ್ತಿದೆ..  ಪ್ರಸಾದ್ ಗೆ ಚೀಟ್ ಮಾಡ್ತಿದಿನೇನೋ ಅನಿಸ್ತಿದೆ.

ರಚಿತಾ ಅಳಲಾರಂಭಿಸಿದಳು.
"ಇದೆಲ್ಲಾ ಎಷ್ಟು ದಿನದಿಂದ ಆಗ್ತಿದೆ."

"ಒಂದು ವಾರ ಇರಬಹುದು ಅಷ್ಟೇ"

"ನಾನು ಹೋಗಿ ಆ ಹುಡುಗನ್ನ ಕೇಳೋಕೆ ಆಗುತ್ತಾ? ಅಥವ ಅಪ್ಪನ್ನ ಈ ಬಗ್ಗೆ ಕೇಳೋಕೂ ಆಗ್ತಿಲ್ಲ. ಇನ್ನು ಅಮ್ಮ ಕೇಳಿದ್ರೆ ಕೊಂದೇ ಬಿಡ್ತಾಳೆ"
ಈ ಕನಸಿಗೆ ಏನು ಅರ್ಥ ಅಂತ ಯೋಚಿಸಿ ಸಾಕಾಗಿದೆ..  Iam stressed.."

"ಡೋಂಟ್ ವರಿ ಕೆಲವೊಂದು ಸಲ ಮನಸಿಗೆ ಜಾಸ್ತಿ ಒತ್ತಡ ಆದಾಗ ಹೀಗೆ ಏನೇನೋ ಕನಸುಗಳು ಬರಬಹುದು.
ಸ್ಟ್ರೆಸ್ ರಿಲೀವ್ ಟ್ಯಾಬ್ಲೆಟ್ಸ್ ಕೊಡ್ತೇನೆ ..  it will help you to come out. "
ರಚಿತಾಳನ್ನ ಸಮಾಧಾನ ಮಾಡಿ ಕಳುಹಿಸಿದರೂ ಅವಳ ಕನಸಿನ ಬಗ್ಗೆಯೇ ಸುನಯನಳ
 ಯೋಚಿಸುತಿದ್ದರು...


ರಚಿತಾ ಹೋಗಿ ಒಂದು ಘಂಟೆಯಾಗಿದ್ದಿರಬಹುದಷ್ಟೇ...
ಮೊಬೈಲ್  ರಿಂಗ್ ಆಯಿತು.
ಅದು ರಚಿತಾ ಕಾಲ್.
" ಮೇಡಮ್ .. I have still become panic. "  ನನ್ನ ಫ್ರೆಂಡ್ಸ್ ಹೇಳತಿದಾರೆ ನಾವ್ಯಾವತ್ತೂ ಕೇರಳ ಟ್ರಿಪ್ಗೆ ಹೋಗಿಲ್ಲ ಅಂತ ಹಾಗಿದ್ರೇ ನಂಗೇನಾಗಿದೆ ಆಗ್ತೀದೆ?  ಈಗ ಕಾರಿಂದ ಮನೆಯ ಮುಂದೆ ಇಳಿದಾಗಲೂ ಆ ಹುಡುಗ ಬಂದು ಸೊಂಟ ಹಿಡಿದು "ಡಾರ್ಲಿಂಗ್ ಬಿಲೀವ್ ಮಿ" ಅಂದ ಆದರೆ... ಕಣ್ಣು ಬಿಟ್ಟರೆ
ನಾನೀಗ ನನ್ ಫ್ರೆಂಡ್ಸ್ ಜೊತೆ ಹೋಟೆಲ್ನಲ್ಲಿ ಕೂತಿದ್ದೇನೆ. Iam panic ..please help me.."
ಶಾಕ್   ಆದವರಂತೆ ಮೊಬೈಲ್ ಆಫ್ ಮಾಡಿ ಕೂತರು ಸುನಯನ...

ಮುಂದುವರೆಯುತ್ತದೆ..









Wednesday, December 4, 2013

ಕಣ್ಣು ಮುಚ್ಹೆಂದೆ ನೀ,

ಕಣ್ಣು ಮುಚ್ಹೆಂದೆ ನೀ, 
ನಾ ಮುಚ್ಚಿದ ಕಣ್ಣಿನಿಂದಲೂ 
ಜಗವ ನೋಡಬಹುದೆಂದು ತಿಳಿಯದೆ 
******************************************
ಲೇಖನಿ ಕಿತ್ತರೇನು ಹಾಳೆ ಹರಿದರೇನು 
ಮನದ ಪುಸ್ತಕದಲ್ಲಿ , ಕಣ್ ಪೆನ್ನಿನಲ್ಲಿ 
ನನ್ನದೇ ಜಗದಲ್ಲಿ ಬರೆಯಬಹುದು 
ನಾ ನಿನ್ನ ಹಂಗಿಲ್ಲದೆ
*************************************