Wednesday, December 4, 2013

ಮದ್ಯದಂಗಡಿಯ ಹಾದಿಯಲ್ಲಿ ನಡೆದ ತಪ್ಪಿಗೆ ಮದಿರಾ ಮೋಹಿಯ

ದೀಪದಂತಿದ್ದ ಕಂಗಳಿಂದು 
ಜ್ವಾಲೆಯಾಗಿ ಉರಿದುರಿದು 
ಬೀಳುತಿವೆ ಕಣ್ಣೀರ ಜಲಪಾತಕೂ 
ಸೊಪ್ಪು ಹಾಕದೆ ಆರದೆ 
ಮತ್ತೆ ಅಳಿಸುತಲಿದೆ ಗಾಳಿಯಂತೆ 
************
ಅಂದೊಮ್ಮೆ ಸ್ವೀಕಾರ 
ಎಲ್ಲಿಲ್ಲದ ಮಮಕಾರ 
ಪ್ರೀತಿಯ ಮದರಂಗಿಯಲ್ಲ್ಲಿ 
ಹುದುಗಿತ್ತೇ ಅಪಚಾರ 
************
ಹಚ್ಚಿದ ಬೆಣ್ಣೆಯಲಿ
ಸುಣ್ಣವ ಬೆರೆಸಿದ್ದು
ಕಂಡರೂ ಕಾಣದಂತಿದ್ದಿದ್ದು
ಕಂಗಳ ದೋಷವೋ,
ಮನ ಮುಸುಕಿದ್ದ ಮೋಹವೋ
************
ಉರಿತವೋ ಉಳಿದವನ್ನೂ
ಕಳೆವ ಚೂರಿಯಲುಗಿನ ಇರಿತವೋ
ಸಂಭ್ರಮದ ಮಂಟಪದಲ್ಲಿ ಮಸಣದ
ಜಾತ್ರೆ ಬೇಕೆ ?
************
ಮದ್ಯದಂಗಡಿಯ ಹಾದಿಯಲ್ಲಿ
ನಡೆದ ತಪ್ಪಿಗೆ ಮದಿರಾ ಮೋಹಿಯ
ಪಟ್ಟ ಸರಿಯೇ?

No comments:

Post a Comment

ರವರು ನುಡಿಯುತ್ತಾರೆ